'A paneira' é un dos edificios máis antigos do conxunto arquitectónico de Casa Lourán sendo o almacenamento de gran un dos primeiros usos do edificio como o seu nome indica. Tivo diversos usos ao longo da súa historia, sendo forxa, taller de carpintería cos seus tornos tradicionais e mesmo valeu de escola.

Hoxe en forma de apartamento diáfano de deseño coidado conta con todo o confort das construcións máis actuais dispoñendo de cociña equipada, sala de estar e mesmo un recuncho ideal para teletraballo. A cama sitúase nun altiño flotante que marca a diferencia coas habitacións tradicionais e dá a sensación de descanso nunha cabana de soño.

Unha ampla cristaleira fai que a calidez da luz do día ilumine todo o salón puidéndose abrir completamente coa sensación de ter a natureza integrada no espazo do apartamento.

Conta tamén cunha cheminea de leña e con calefacción de chan radiante que aseguran o confort e a calidez.