Zume de laranxa natural, leite das nosas vacas, manteiga feita na casa, o requeixo, produto rei da nosa granxa e unha grande variedade de marmeladas feitas cos froitos que nos da o lugar: moras, framboesas, amorodos, figos ou pexegos.
Comezar o día en Casa Lourán convértese, nun pracer de sabores e intercambios entre visitantes acompañados de conversa matutina natural sen aditivos engadidos.
Moito que ver e moito que facer de turismo natural en Casa Lourán. Innumerábeis camiños e sendeiros agóchanse entre estas densas fragas, discorrendo, na súa maioría, pola beira ou nas proximidades do río. O Camiño da Ventureira, o Paso da Vella, os cumios de Sanguiñedo ou de Pena Fesa (practicábel en bicicleta) entre outros, conforman unha extensa e variada oferta, que en tempada de outono, vese salpicada de gran variedades de cogomelos.