O almorzo

O almorzo

O almorzo da nosa casa non deixa indiferente a ninguén. A diferencia das ceas, servidas nun ambiente de máis intimidade no salón, o día na nosa casa comeza cun almorzo compartido na mesa da cociña.

 

Acompañando a conversa matutina, no almorzo pódese gozar de sabores sen aditivos engadidos. Zume de laranxa natural, leite das nosas vacas, manteiga feita na casa, o requeixo, produto rei da nosa granxa e unha grande variedade de marmeladas feitas cos froitos que nos da o lugar: moras, framboesas, amorodos, figos ou pexegos...

Comezar o día convértese pois, nun pracer de sabores e intercambios entre visitantes e vai incluído no prezo da habitación para todas as persoas que quedan a durmir na nosa casa!